انا من تقريباً من سنتين عرفت شخص في النت وهو ضافني بالغلط في المسنجر وضليت اسولف واتكلم وياه سوالف عاادية وبعد كم شهر بدون مااحس حبينا بعض ,,,
ولما قال لي اول شي انه يحبني ماصدقته او ماكنت مصدقته بس بعدين حسيت اني بعد احبه وبعدين طلب مني اني اكلمه بالجوال ومو على طول وافقت بس بعدين كلمته وضليت معاه
والله ياناس انه كان صادق معاي في كل شي وحسيت معاه بالحب الصادق وماكان في باله انه يضرني بأي شي
كان يخاف علي من كل شي حتى من ان اهلي يعرفو اني اكلمه
ومرت الايام يمكن ضليت اكلمه بالجوال ستة شهور وفي المسنجر عرفته حوالي سنة وشوي
وبعدين عرفو اهلي وصارت مشكلة وسحبو مني الجوال والنت وبعد فترة رجع كل شي زي طبيعته ولما رجعو النت والجوال على طول رسلت له مسج قلت له (( ماتوقعتك خواف لهدرجة حرام فيك كل كلمة حب)) وبعدين لما كلمني قال لي انا مو زعلان على الكلام اللي قلتيه بالعكس انا ارتحت لاني عرفت انك بخير ,,
بعدها رجعت اكلمه زي قبل لكن اخف شوي يعني بس مرة او مرتين باليوم
ومع الوقت عرفت اختي اني اكلمه في المسنجر وتقول انها ضافته على انها بنت تبغى تتعرف ومن هالكلام وهو ماحذف ايميلها ضل يكلمها مع العلم ان في نفس الوقت كنت اكلمه وقال لي ان في بنت ضافته
من القهر سبيته وقامت اختي تغلط عليه وحذفت ايميله وقالي بغير ايميلي ومن هالكلام
هالكلام يمكن من شهرين وللحين مو قادرة انساه والله ياناااااس يمكن تقولو انه حب مراهقة لكن اللي احس فيه مو حب مراهقة هو عمره ثلاثة وعشرين والحب اللي حسيته معاه مو حب مراهقة
حبيته من كل قلبي وهو كان دايما يقولي لو نبتعد عن بعض احسن لان مستحيل نكون لبعض خصوصا بعد ماعرفو اهلي اني كنت اكلمه
للحين احبببه من كل قلبي ومو قادرة انساه واحس اني برجع اضيفه في الايميل لكن حتى لو رجعت كلمته وش اقول له؟ كيف اكلمه وكنت في يوم من الايام اغلط عليه واشتمه ؟
مو عاارفة وش اسوي للحين احبه ومتأكدة مليوون بالمية انه يحبني لكن وش بيدي
والله باموت من القهر احس حالي خلاص
والله كتبت لكم من القهر اللي فيني واذا عندكم حل لاتبخلو
موضوع: قصتي والله كتبتها من القهر 
الثلاثاء أبريل 15, 2008 11:32 pm
