][][§¤°^°¤§][][ رٌوٍمًـٌـٍـٌــٍـٍـٌـنـٌـٍـســـٌــيــٌـًـات ً ][][§¤°^°¤§][]

ღ*•~.¸ღ
بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك
*•~.¸ღ*•~.¸ღ
بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي
*•~.¸ღ*•~.¸ღ
يا سائلة عني من القلب لبيـــــه
صوت عزيز وغصب عنا نلبيك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..

*•~.¸ღ*•~.¸ღ
أبكي قصيدة وأشبك البيت بالبيت
وأشكي قوافي الليل من كل ضيقه
وأدخل بحور الشعر لا من تجليت
وأغوص في وسط البحور العميقة
في حبكم لاني بحي ولا ميت
كني **ير الطير ماله طريقه
*•~.¸ღ*•~.¸ღ
ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام
*•~.¸ღ*•~.¸ღ
أنادي من سكن بأقصى فؤداي
على من هو نفس روحي وزادي
على من هو حرم عيني رقادي
أنا أهــواه
يزور العين طيفه ثم أضمه
وأحس أن الهوى عطره وأشمه

*•~.¸ღ*•~.¸ღ
تدري إني موت أحبك
وان مالي غير حبك...
واللي ينبض في ضلوعي
ما هو قلبي هذا قلبك..
تدري يا فرحي وهمي..
من كثر مانت في دمي
كل ما تنظرك عيني
عيني من عيني تسمي..
*•~.¸ღ*•~.¸ღ
الغلا يا حبيبي أنت والوله يا قلبي
والألم يا عمري أنت
أنت كل إحساس فيني
أنت كل أحلام عمري
وروعة الدنيا بعيني
خذ غلا عمري وجرحي
خذ عناي وخذ هناي
بس لي عندك رجاء :
الطف بقلب يحبك ويموت فيك !
*•~.¸ღ*•~.¸ღ
حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

*•~.¸ღ*•~.¸ღ
في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب
*•~.¸ღ*•~.¸ღ
ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ما ضيه
وحقه عليك أنك تقدر ظروفه
بأخــتــصــار
شخص عطاني وده ما نيب ناسيه
ومن شرى ودي أنا دايم الدوم شاريه..!
*•~.¸ღ*•~.¸ღ

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني
*•~.¸ღ*•~.¸ღ
حاولت في قلبي أقول بنساك
وأعيش دنيا في حياتي جديدة
أثر الغلا ما تعجبة غير دنياك
والقلب غيرك ما سكن في وريده
أشتقت لعيونك وصوتك ونجواك
أشتقت لظروفك لو هي عنيدة
حبك شربتة كيف ما أقدر أظماك
حبك عرفتة كيف ما حتاج اعيده
*•~.¸ღ*•~.¸ღ
إن عاش راسي و اسعفتني سنيني
لروي ظمأ قلبي بقربك و اهنيه ..
و لو يزرعون الغام بينك و بيني
نذر علي لامشي لك الدرب و أطويه ..
و اشيل روحي فوق راحة يميني
و ابيع عمري لاجل شوفتك و اشريه ..
*•~.¸ღ*•~.¸ღ
أنا اللي من شوف الاحباب محروم
و الله يكافي شر زلات الاقدام ..
قبل امس مع ربعي سواليف و علوم
و اليوم طاويني هواجيس و هيام ..
اضحك ضحى قبل امس و ابكي ضحى اليوم
ياسرع دورات الليالي و الايــــام ..
*•~.¸ღ*•~.¸ღ
تخيل يوم عانقني خيالك خاطري وش قال ؟؟
تخيل قبل اسولف سألني عنك وجداني ..
سألني لين خلاني .. مدينه هزها زلزال !!
تخيل ماهدا حتى لقاك .. بوسط شرايني

*•~.¸ღ*•~.¸ღ
طالت الغيبات يا غالي علينا
وان تحريتك فهذا من غلاك
لو يطول البعد والله ماسلينا
المشاعر همها لحظة لقاك
يا كريم النفس مثلك مالقينا
لك معزة زادها عندي وفاك
ليت قربك يا هنا العمر بيدينا
واتبعك كني ظلال من وراك
*•~.¸ღ*•~.¸ღ
للفرح يوم هليت في قلبي هبوب
ما اظلم زماني يوم عن الكون غايب
لك بسمة تتملك الكون بالطيب
ولك نظرة سوت بروحي العجايب
يا جعل عمرك سعد وايامك تطيب
وجعلني فدا حبك ماعنه تايب
*•~.¸ღ*•~.¸ღ
أنا قلبي من كثر شوقي
ملا صدري
وانا صدري من كبر قلبي
نفذ صبره
من صباح الخير لين الشمس
ماتسري
ومن مساء الخير لين نصير
في بكره
والغلا في داخلي مثل النهر
يجري
ليتك تدري بغلاك داخلي
وش كثره
*•~.¸ღ*•~.¸ღ
ناس تفكر همهم..يسعدونك
وناس تفكر كيف تقدر..تبكيك
لا تشتري من حاولو..يخسرونك
ولا تخسر اللي فكر بيوم..يشريك
مافي اجمل من صديق..يصونك
ولا فيه اقسى من قريب..يعاديك
اكبر قهر لا صار ناس..يبونك
وانت تبيهم بس حظك..لعب فيك
*•~.¸ღ*•~.¸ღ
خذني جريح شعور يعشق وصالك
ينزف جروح العشق وايامه شهود
خذني غريق احلام عانق خيالك
يرجي سحاب ايديك والشوق موقود
خذني بقايا انسان كلي حلالك
اسكن عروق القلب والشوق موجود
*•~.¸ღ*•~.¸ღ

محد يشق القلب من غير تفكير
حتى الدكاترة ترتجف ثم تحتار
الحب يشق الجوف من دون تخدير
ويبني قصور بداخل القلب وانهار
هذي حقيقة قلتها بصدق وتعبير
وأرسلتها للي حافظن كل الأسرار
*•~.¸ღ*•~.¸ღ
غالي بقلبي مثل ذاك القمر فوق
واسقيك من عذب المشاعر وازيدك
هذا قليل من الغلا جاك منطوق
والا بقلبي يعلم الله رصيدك
إن جيت وان ما جيت باقي لك الشوق
والقلب مثل ماهو على حطة يدينك
*•~.¸ღ*•~.¸ღ
ما كل عين تذرف الدمع بأحزان
وما كل من يضحك يعيش بسعاده
كم واحد دمعة على الخد هتان
من زود همه يذرف الدمع عاده
يحاول انه يبتسم قدر الامكان
ويضحك ونار الحزن تحرق فؤاده
*•~.¸ღ*•~.¸ღ
كل الهموم وكل ما كنت اعانيه
تروح لحظة ما اتذكر طيبك
في غيبتك قلبي فقد من يسليه
من كثر حبك حلف ما يخونك
في غيبتك قلبي تحطم أمانيه
كرهت أنا العالم وحبيت كونك
في داخلي إحساس أجهل معانيه
بس الأكيد كل المشاعر يبونك
*•~.¸ღ*•~.¸ღ
اشتقت لأيامك وجيت أنشد الوقت
وين الحبيب وضحكته وأمسياته
ليته يوسع خاطري لا تضايقت
مثل الكفيف ان قربوا له عصاته
ماهو زعل لا شفت وجهه ودنقت
العين تخفي في نظرها غلاته
*•~.¸ღ*•~.¸ღ
سر يا قلم واكتب عظيم اشتياقي
للي لهم بمجلس الطيب مجلاس
قدرك على راسي سوات الشماغي
بالطيب مانلقا شبيهك مع الناس
انت العطر دايم على الجو طاغي
وغيرك حطب دخانهم يوجع الراس
*•~.¸ღ*•~.¸ღ
ليتك يا ريف النشاما لنا جار
يوم اجيك ويم مثله تجيني
وليت المسافة بيني وبينك جدار
والباب بنص البيت بينك وبيني
حيثك عزيز ولك مع العز مقدار
وايضا تساوي بالغلا مثل عيني
*•~.¸ღ*•~.¸ღ
لولا اختلاف أذواق وأذواق وأذواق
ما شفت أجمل من جرحني غيابه
يا أعذب وأرق من الندى عند الاشراق
وألطف من النسناس لا سرج ركابه
تدري وش اللي محرق قلبي احراق
انك بعيد وحزن الأيام غابه
*•~.¸ღ*•~.¸ღ
يوم ما تنشد عن أحوالي
أقضي الساعات مهموم
غيرك مالنا غالي
واهتمامي فيك ملزوم
افرح بهاتفك ليا جاني
جايب لي منك العلوم
أو مسج يخطر لك في بالي
ترسله لو كنت مزحوم
محدن في ذا الزمن خالي
كلن يقاس ومهموم
*•~.¸ღ*•~.¸ღ
بحق الحب سيري يا حمامه
لطيف الروح هاتيلي سلامه
وودي له تحيات المودة
على الطايروهاتيلي كلامه
وقولي له ترى هجره سطا بي
وفي قلبي من الهجران شامه
*•~.¸ღ*•~.¸ღ
افرح إذا شفت الفرح في محياك
وتضيق بي الدنيا إذا شان بالك
أعطيك عمري يا عسى من فداياك
وش هي حياتي ما تساوي رضالك
جعل الولي يا صاحبي دوم يرعاك
وجعل الفرح في كل الأيام فالك
*•~.¸ღ*•~.¸ღ
انا غريب الدار من بعد فرقاك
وانا سعيد الحظ لاصرت جنبي
يا صاحبي روح وفكري تمناك
من وين ما اوجه اشوفك بدربي
يا ليتني دايم على طول وياك
ارتاح في شوفك ويرتاح قلبي
*•~.¸ღ*•~.¸ღ
طال البعاد ولوع القلب فرقاك
ومن غيبتك صاب المولع مضره
اسهر طوال الليل واعيد ذكراك
واراجع الماضي وبالقلب حره
يذكر زمان فات بالخير وياك
الله يعيده لو بالأيام مره
*•~.¸ღ*•~.¸ღ
سمعت باليتيم اللي قدام عينه تموت أمه
يناظر ولا يقدر يبرر دمعة الشفقان
يصرخ خذي روحي بس خليك يايمه
وتموت ويعاني مع الذكر ألم واحزان
كأن احساسي احساسه وما همني همه
هو القدر أخذ أمه وأنا فاقد أعز انسان
*•~.¸ღ*•~.¸ღ
ودي أكتب والقلم عيا يطيع
مدري الأشواق والا انت السبب
كيف أعبر والحكي مني يضيع
اسعفيني يا قواميس العرب
يا حروفي اشعر بشي فظيع
في خفوقي نار وأشواقي لهب
هذي أقلامي ب**رها جميع
في سكوتي تصبح أشواقي ذهب

*•~.¸ღ*•~.¸ღ

يسلمووووووووووووووو مع انه كان طويل بس حلو
تقبل مروري

يسلموووووووووووووووووووووو
تقبل مروري

كلمات رائعة ومعبرة باسلوب راقي جدا

سلمت يمناك الحووووووت ودام نضبك واحساسك ودمت بكل الود
ولا يحرمنا من يديدك

تقبل تحياتي معطرة بالفل والياسمين

*•~.¸ღ*•~.¸ღ
انا غريب الدار من بعد فرقاك
وانا سعيد الحظ لاصرت جنبي
يا صاحبي روح وفكري تمناك
من وين ما اوجه اشوفك بدربي
يا ليتني دايم على طول وياك
ارتاح في شوفك ويرتاح قلبي
تسلموووووووو على المرور