•·.·°¯`·.·• ( بقايا أنسان ) •·.·°¯`·.·•

جيتك أمل مطعون في خنجر اليأس
____ والا أنت ( للمشتاق ) مافيك همه ؟!

كأني طفل محروم من رحمة الناس ؟
____ ماني بقايا أنسان مـهــدور دمـه

لا .. لا حـشى ماعــود لك خاضع الراس
____ ماني من اللي كل شيٍء يهمه

قلبي معك بـسـم الغلا (صادق أحساس)
____ وأخلاص ماظنيت قلبك يضمه !!

يامــعــذبٍ غاليك في قوة الباس ؟
____ ماغيرك أوقد بي لواهيب همه

صدقي وشوقي لو تقيسه بمقياس ؟
____ تدري بأنك عايش أبدون ذمـــه

كنت أحسب أن الصدق مبني على ساس
____ ومـــردداً مابين خاله وعمه !!

ولو للهوى ( ياهاجري ) .. روح وأنفاس
____ ماضاقت أنفاسي اليا رحت يمه

ماتدري أن الـمـوت : هـو موت الاحساس
____ والشعر موقف .. والرجاجيل هـمه

وأن قلت لي ماخان بكليب ( جساس ) ؟
____ أقول شوف ( الزيــر ) جاب المطمه !!

( الله يــبـيــحــك ) كثر ماهــب نـسـنـاس
____ ويسامحك كثر الطعون الملمه

وجيتك أمل مطعون في خنجر اليأس ؟
____ يوم أنت ماعندك ( للاشــواق ) همه !!

•·.·°¯`·.·• ( الشاعر منصور الرويلي ) •·.·°¯`·.·•

عــــبــــوــــودي

كأني طفل محروم من رحمة الناس
تسلم

تقبل مروري