حبيبي............. والرمادة !!

قصيدة أتمنى منها أن تنال على أقل درجة من إستحسانكم........ودمتم :

كل عـام ومعــزتك في زيادة
ومـدري لـوين بيوصل مداها

ملكـتك قلبي وسلمتك الرياده
تامر على الروح وتسير هواها

حبيـبي أحبـك حب فـوق العاده
ُحب غيٌـر في حيـاتي مـجراها

ياغاية هوى القـلب ويامـراده
يامـن عيـوني انا حبك عمـاها

علامك ماعادك المعروف بوداده
اللي المكارم كنت تجري وراها

ابتديت تخلف في الهوى ميعاده
تغيرت طباعك وتغيرت انته معاها

اعتقد فرط المعـزة خلاك تتماده
بديت تتغلى وقصت هواي تنساها

اسمع مني وراسك لاتكبر عناده
مـاهو بنا اللي كرامـته مايبـاها

قـلبي.. لا مـاهو بيد أحدٍ قـلاده
لا بغاها لبسها وان ملها رماها

سهلٍ علي انسى واكبر الوساده
وانسى الايـام اللي زايدٍ حـلاها

ولكنك تصعب علي وودي لك بالسعاده
وسعادتك عند غيري ماراح تلقاها

ابمهلك فرصه يرجع لعقلك رشاده
وتخـٌير روحـك كـانـك تبي هنـاها

اما وان طـال في راسـك عنـاده
وتكبرت على اللي سعادتك بناها

روح تراك ماتسوى عندي رماده
خـذ مني الكلـمة وتوكـل مـعاها






ولكم أصدق التحيات........