كلمات البوم اصاله (سواها قلبي)

لاتخاف

لا تخاف من الزماان
الزمان ما له آمان
خاف من اللي كل آمانك
بأيديه وتآمنه
لو حبيبك ما وفى لك
لو حبيبك فيك خان
ايش ترجى من زمانك
النتيجه باينه
نكتشف مر الحقيقه
بعد ما يفوت الاوان
قلت لك لا تندفع له ... قلت حبي صاينه
وينه اللي صان حبك؟
ما اشوفه يوم بان
قلبك اللي هو قلبك ... لا تحسب انك ضامنه

لا تعّذر بحتياجك
كلنا ناقص حنان
كلنا طفل يتمنى
اي شخص يحضنه
نبني الدنيا وحنا نوقف
في نفس المكان
للأسف ... ينقص وفانا
مع مرور الازمنه






ديــــرة الغربــه


الله يسامحك على كل ما جاني
القلب لعيونك الثنتين اعذربه
طموحي في راسي واسال امتاني
اكبر من اللي على شرواك اجاهر به
تذكرني ايام سعدي وتناساني
في الضيق والهم واللوعات والكربه
تدري وش الغربه اني داخل اوطاني
واعيش مثل الغريب بديرة الغربه
لا تعتذر عذر ما يقنع علشاني
وان كان به عذر تكفى لا تعذر به
لكن تذكر بانه ابن ادمً ثاني
والكبر صاحب له يوماً يحدر به
والحب ساير تعيش الحب وحداني
وتحارب الناس عقلك ما تفكر به
الاول اللي يعاني مثل ما اعاني
واللي لــ شعرت بلذيذ الشوق يشعر به
واللي خفوقي على شوفته طرباني
كل الدروب العفيفه تطمح لدربه
اليه اتحداك لــ قمت تتحداني
وانا مقامي على النجمات افاخر به




سواها قلبي

سواها قلبي يا حبيبي
وحبك ما طاعني بالحب
وانا عن الحب ناهيه
الظاهر انه ما يبي غير قربك
عاف الجميع واول الناس راعيه
عليه ما اوصيك لا صار جنبك
صبح عليه بحب وبحب مسيه
نبضه وفا وتضحياته يعجبك
صافي ولكن ما لقى من يصافيه
خلى دروب الكل واختار دربك
داريه تكفى قد ما تقدر داريه
وابشر بقلب ما يبي غير قربك
يموت وغير محبتك ما سكن فيه





أمــنيــه


والله اني ما تمنى في حياتي
الا شي
اني املك كل هالدنيا في ايدي
ما اسمعك في يوم تنطق كان ودي
قبل لا تحلم احقق
قبل لا تحكي اقول
قبل لا تشكي همومك
لك اجيك كلي حلول
وليت كل هالكون بيدي
لاجل احقق ما تبيه

ادري انه امنياتي
هي مجرد امنيات
لو اني املكها حياتي
كنت ابهديك الحياة
بس اشوف الابتسامه
ما تفارق دنيتك
ياللي كل ايامي تضحك
لما المح بسمتك
وليت كل هالكون في ايدي
لاجل احقق ما تبيه
انت ياعزي وذلي
وأجمل أجمل ما حصل لي
وش اقدم لك سواي
وارمي ايامي تحت اطهر خطاك
ياللي كل ايام عمري قبل ما احبك خطاي
قهر والله قهر
اني ما اقدر حتى ما اقدر
اوصل حدود السما
لاجل اهديلك قمر
ودي ... ودي والله ودي
بس ما في ايديني شي




شمــــوخـــي عــزي

من يقول انك تحب
من يقول انك وفيت
كل هذا كان لعب
يا ما خذت ولا عطيت
كافي ما كان منك كافي
بان لي ما كان لي خافي
كنت اظن الحب وافي
واثر حبك خساره
كم تناسينا خطاك
ما يهمك وش يصير
بعت قلبي اللي عطاك
صدق ما عندك ضميير
غلطتي ارخصت نفسي
يوم اضويتك بشمسي
بكره ما هو مثل امسي
قلبي وتغير مساره
كان قلبي في ايديك
ضامنه لا ما يخون
لا ولا بحلمك اجيك
هذا في حكم الجنون
اذكرك ياللي انت ناسي
و اوقف بوجهك ياقاسي
شموخ عزي و احساسي
يسوى كوني ومداره





أقــرب قريــب

أضيع في الدنيا بلياك
عني عذولك لا يردك
انت تامر واللي تطلبه ياك
الا الوداع وصوت صدك
اقرب قريب الروح تهواك
والله وربي ما أردك
انته حبيبي الروح تفداك
يا مبهدل العالم بقدك
حتى شفوفه تتبع رضاك
واكثر من ودادك يودك
يا نور بسري وين مسراك
بحدد حدودي بحدك
اضيع في الدنيا بلياك
عني عذولك لا يردك
ابرد بثلجك وتدفاك
تلمس كفوفي يدي خدك
أحبك اكثر وتحداك
تلقى بقلبي من يندك

وكذاب اللي قال لك بنساك
لو تنوي صد بردك
اقرب قريب الروح تهواك
والله وربي ما اردك





طلبتك

طلبتك لا تحاكيني عن احبابك ولا ذكراك
ولا ودي تعلمني عن الماضي ولا ادري
انا ما همني الماضي ولا ايامه قبل ما القاك
انا عندي بدايتنا بداية عمرك وعمري
اخيراً جيت يا وجهٍ قضى عمري وانا استناك
وجيت بصورة فاقت خيالي وحلمي العذري
حبيبي خلنا نبدا حكايتنا انا وياك
قبل ما الوقت يسرقنا ولحظات الهوى تسري
انا ابغى حبنا راقي يودينا بعيد هناك
لدنيا ما بها فرقا ولاكذبا ولا غدري
اذا على الوصل انا اعاهد وربي ما بيوم اجفاك
لخجل بالعطى غيري وجازي صبرك وصبري
انا طمعان بوصالك وشاري بدنيتي دنياك
وحكم الحب في يدينك تبيع احساسي او تشري
اذا شاري سنين العمر ياعمري الهوى يفداك
واذا انك بعت لا تنطق ابعرف عندها قدري






كلمة شكر

كلمة شكر يابوي كلمة شكر يا بوي
ما توفي الشعور واحساسي
صوبك يابعدّي أكبر كثير
مهما شكرتك لازم اشعر بالقصور
لانه عيني دايم تشوفك كبير
تتكحل عيوني ويغمرها السرور
كلما تشوفك مبتسم قلبي يطير
يانور كلما شفته زاد بوجهي نور
ما دامك انته بخير هالدنيا بخير
يا بوي انا لو لفيت العالم ادور
بلقاك في هالدنيا شي ما له نظير
يعني اختصار اللي بقوله من شعور
روحي يا اغلى ناسها تحبك كثير



تبي تتركني

تبي تتركني
اتركني..
تأكد اني ما ح زعل
ولا اسأل وش تفاصيل
البعاد وطوله ونوعه
لكن قول انا ماشي
ترى بعض الوداع أجمل
من هروب الحبيب
اللي ترك له ناس وجوعه

اذا حبي ما يعني لك
اكيد انه الفراق افضل
واذا عيني بتبكي لك
اكيد العين مخدوعه

واذا انت اللي بتتركني
ولا احد(ن) جابرك ترحل
حرام اتضايق واشقى
عن اللي رايح بطوعه
انا ما أقول لك بنساك
لكن مستحيل اسأل
بحبس اصغر انفاسي
لو الهمسات مسموعه
انا بتذكر ايامك
ولا انسى حبي الاول
بتبقى صورتك عندي
في وسط الروح مطبوعه

حبيبي لو بترجع لي
وتعطيني العذر بقبل
بغفر للحبيب اللي غيابه احبابه يلوعه
ومهما طول غيابك
بتبقى رحمتي اطول
تأكد في شرع قلبي لك الاقلام مرفوعه

مشكوووووووووووووووووووووووووووووووره يا حبوبة الكل

اللبوم كاامل شكلهاا يدك انكسرت

تقبلي مروري

سواها قلبي

سواها قلبي يا حبيبي
وحبك ما طاعني بالحب
وانا عن الحب ناهيه
الظاهر انه ما يبي غير قربك
عاف الجميع واول الناس راعيه
عليه ما اوصيك لا صار جنبك
صبح عليه بحب وبحب مسيه
نبضه وفا وتضحياته يعجبك
صافي ولكن ما لقى من يصافيه
خلى دروب الكل واختار دربك
داريه تكفى قد ما تقدر داريه
وابشر بقلب ما يبي غير قربك
يموت وغير محبتك ما سكن فيه
اهدااااااااا لكي
تسلمى

يسلمووووو على هذا الموضوع حبوبه الكل

وتقبلي موروري

يسلمووووووووووووووووووووووووووو
انا تعجبني غنيه لا تخاف من الزمان