الزهر .....

موضوع: الزهر ..... الجمعة مايو 09, 2008 6:16 am

تتعب العشـاق .. فوحـات الزهـر !
وتتعب الشعار .. جـزلات القصيـد !
ولا اجتمع " زهر .. وشعر " زاد القهـر
ما توافق عشق .. مع شاعـر عنيـد !
ساعة العشاق .. فالدنيـا .. " دهـر "
ولا دخلها شعر .. جت عمر ٍ مديـد !
مـا يبيـد العاشقيـن .. إلا السهـر !
ليت ميتهـم .. يسمـى " بالشهيـد "
انصهر قلبي .. من " الهـم " انصهـر !
ذاب قلبي .. فوق هضبـات الجليـد !
ذاب قلبـي .. والشقـاوي انبـهـر !
كيف ذاب ؟ وكل ما يحـوي حديـد !
كلهـا باسبـاب .. هـذاك " المُهـر "
نسل أصيل ٍ .. ما وطى في كـل بيـد
ما وطى يـا كـود .. بيـداء الطهـر
عن طريـق الحـق .. مـا والله يحيـد
وليت نسله .. في صفاتـه قـد ظهـر
مقفي ٍ عنـي .. ويـدري بـي وحيـد
الثوانـي احتسبـهـا " بالشـهـر "
لاجل عينه !! لـو فراقـه مـا يفيـد
يالمباعـد .. خـذ مـن دموعـي نهـر
وخل بحر الدمع .. مدخـره رصيـد !
خذ حياتي .. مع دموعي ..لك " مهـر "
واعرف ان للحزن " طارق " صار سيد !
لو تجيب من المحبـه .. لـك " فهـر "
وتحذف الوجـه المعانـي .. والعتيـد !
والله انـي .. مـا امنعـك لا تدهـر !
لو أبدت الوجـه .. بدلتـه جديـد !
ابتعـادك عـن محبينـك " عـهـر "
عهـر ! فـي وجـه المحبـه مستشيـد
ودك إنــا بالمحـبـه نشـتـهـر !
ابشر ابشر .. لاترك اعـداءك تزيـد !
ذا زمان الحب ! لكن .. مـن جهـر ؟
من جهر بالحـب فالوقـت الشديـد ؟
أدري انـك بالشـقـاوه مـزدهـر !
وانت تدري .. بس تكفـا لا تكيـد !
يالمقفـي .. ليـش تعطينـي ظـهـر ؟
" ثانيه " في شوف وجهك يـوم عيـد !
" والشعر " مقـدور لكـن " الزهـر "
مشكله لا فـاح !! والغالـي " بعيـد "

موضوع: رد: الزهر ..... الجمعة مايو 09, 2008 7:00 am

يعطيك الف الف الف عافيه وتقبل مروري

موضوع: رد: الزهر ..... الجمعة مايو 09, 2008 11:05 am

والشعر " مقـدور لكـن " الزهـر "
مشكله لا فـاح !! والغالـي " بعيـد "
تسلم يااامبدع
يعطيك العاافيه

موضوع: رد: الزهر ..... الجمعة مايو 09, 2008 2:48 pm

مرسي على المرور ياشباب